2027 ЙИЛДАН МУДДАТЛИ ТЎЛОВ ТАРТИБИ ЎЗГАРАДИ…

2027 ЙИЛДАН МУДДАТЛИ ТЎЛОВ ТАРТИБИ ЎЗГАРАДИ…

2027 йил 1 январдан бошлаб, насия ва бўлиб-бўлиб тўлаш хизматлари бўйича:

1️⃣ Муддат 12 ойдан ошмайди:

Оддий муддатли тўлов шартномаси кўпи билан 12 ойга тузилади. Банк кредити бундан мустасно.

2️⃣ 250 БҲМдан юқори суммага муддатли тўлов берилмайди:

Товар, иш ёки хизмат қиймати 250 БҲМдан ошмаслиги керак.

3️⃣ Кўчмас мулк насияга берилмайди:

Уй, бино ва бошқа кўчмас мулкни оддий муддатли тўлов асосида сотиб олиш мумкин бўлмайди. Банк кредити бундан мустасно.

4️⃣ Барча харажатлар шартномада кўрсатилади:

Устама, комиссия ва бошқа тўловлар яширилмайди. Харидор шартномани имзолашдан олдин жами қанча пул тўлашини аниқ билиши керак.

5️⃣ Қўшимча тўловлар чекланади:

Асосий қарздан ташқари комиссия, жарима, пеня ва бошқа тўловларнинг жами миқдори асосий қарзнинг 50 фоизидан ошмаслиги керак.

6️⃣ Қарзни муддатидан олдин ёпиш мумкин:

Харидор қарзини тўлиқ ёки қисман олдиндан тўлаши мумкин. Бунинг учун қўшимча жарима, пеня ёки комиссия ундирилмайди.

7️⃣ Насия кредит тарихига таъсир қилади:

Муддатли тўлов бўйича маълумотлар кредит бюролари билан алмашилади. Шу сабабли қарзни ўз вақтида тўлаш муҳим.

Каналга аъзо бўлиш: 👉👉👉 Telegram