Бахшиллоев Бахром

2024 йилдан бери Veritas Inter Lex юридик фирмасида фаолият юритади. Фаолияти давомида қурилиш билан боғлиқ шартномалар тузиш, жумладан бош пудратчи ва субпудратчи шартномалари, маҳсулот етказиб бериш ва хизмат кўрсатиш шартномалари билан шуғулланади, уларнинг қонуний талабларга мувофиқлигини таъминлайди, шунингдек томонларнинг ҳуқуқ ва мажбуриятларини ҳуқуқий жиҳатдан таҳлил қилади. Бундан ташқари, суд жараёнларида иштирок этиб, томонларнинг ҳуқуқ ва манфаатларини ҳимоя қилади ҳамда Мажбурий ижро бюроси (МИБ) доирасида вужудга келадиган шартномавий муносабатларга ҳуқуқий қўллаб-қувватлаш кўрсатади. Амалий тажрибасига асосланиб, фуқаролик ва меҳнат ҳуқуқи бўйича жисмоний шахсларга ҳуқуқий маслаҳатлар беради.